منتديات مملكة حبيب الرضا الهاشمية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
بحـث
 
 

نتائج البحث
 


Rechercher بحث متقدم

المواضيع الأخيرة
» ماكينة لف شنط السفر من شركة الحرية تك
روايه اسف عليك ياقلبي.. مو عليك ياحبي Emptyالسبت يوليو 10, 2021 7:15 am من طرف الحرية تك

» ماكينة تعبئة القهوة من شركة الحرية تك
روايه اسف عليك ياقلبي.. مو عليك ياحبي Emptyالسبت يوليو 10, 2021 7:13 am من طرف الحرية تك

» ماكينة تعبئة بودرات في أظرف من الحرية تك
روايه اسف عليك ياقلبي.. مو عليك ياحبي Emptyالسبت يوليو 10, 2021 7:11 am من طرف الحرية تك

» ماكينه تعبئه السكر و البقوليات 1 كيلو من الحرية تك
روايه اسف عليك ياقلبي.. مو عليك ياحبي Emptyالسبت يوليو 10, 2021 7:10 am من طرف الحرية تك

» ماكينة تعبئة فاصوليا من شركة الحرية تك
روايه اسف عليك ياقلبي.. مو عليك ياحبي Emptyالسبت يوليو 10, 2021 7:09 am من طرف الحرية تك

» ماكينه تعبئه وتغليف فسدق من ربع كيلو الى 1 كيلو
روايه اسف عليك ياقلبي.. مو عليك ياحبي Emptyالسبت يوليو 10, 2021 7:07 am من طرف الحرية تك

» ماكينه تعبئه وتغليف بقوليات 5 كيلو من شركة الحرية
روايه اسف عليك ياقلبي.. مو عليك ياحبي Emptyالسبت يوليو 10, 2021 7:05 am من طرف الحرية تك

» ماكينة تعبئة بقوليات أوتوماتيك من شركة الحرية تك
روايه اسف عليك ياقلبي.. مو عليك ياحبي Emptyالسبت يوليو 10, 2021 7:02 am من طرف الحرية تك

» ماكينة تعبئة سوائل لزجة نصف اتوماتيك من الحرية تك
روايه اسف عليك ياقلبي.. مو عليك ياحبي Emptyالسبت يوليو 10, 2021 7:01 am من طرف الحرية تك

التبادل الاعلاني

روايه اسف عليك ياقلبي.. مو عليك ياحبي

4 مشترك

اذهب الى الأسفل

المنتدى الإسلامي روايه اسف عليك ياقلبي.. مو عليك ياحبي

مُساهمة من طرف ندوووي الأربعاء سبتمبر 17, 2008 5:54 am

سف عليك ياقلبي.. مو عليك ياحبي

من تأليف مبدعتنا : أميرة المرح
منقووووووول

هذه اول تجربه لي في كتابة قصه متسلسه على حلقات. مممم من زمان واني محتاره ارزها والا لا ... مقتبسه من الحياه ممكن مرت عليكم وقائع مشابهه.. دمجتها في مخيلتي مع بعض الأحداث تأليف واخراج :


اميرةالمرح..كح كح . .. فطبعا للي يعرفني خخخ متعود علي وعلى هدرتي وسواليفي واللي ما يعرفني الله يعينه خخخخ ..احم احم .. القصه بالقطيفي تحديدا بلهجة ام الحمام

الحلقه الأولى..


في وحده من ليالي عام 2000 داهم سكون وظلام غرفة سجى .. ضوا جاي من الممر الخارجي مع صوت ابوها مبحوح...
.: سجى غناتي .. قومي من نومش وروحي مع اخوش نامي بغرفتنا....
فتحت سجى عينها مندهشه: انام في غرفتكم .. خير يا يبه ويش صاير؟؟
ــــ لا بس لا تخافي امش نفسها ضايق وتعبانه رجعت ليها حالتها باوديها الدختور واخاف نجيب اخوش عندش ويصحى اذا حركناه ويأذيش قومي يالغاليه ونامي وياه..
كانت سجى هي البنت الكبيره وبالصف الثالث متوسط ووحيدة امها وابوها الين يابت ليها امها اللي يكون لها سند في حياتها .. صادق ..وعمره وقتها 3 شهور..
وراحت سجى لأخوها ..
وابوها للسياره ماسك بأمها التي هلكها التعب...
ما نامت سجى وقتها .. كانت تتأمل وجه اخوها البرئ والدموع مخاويتنها.. و تقول فبالها .:
اااااه اني السبب اني .. امي ما فيها شدّه واني يا اخوي كنت سنين انتظرك تجيني وتواسيني .. امي قلبها تعبان وضعيف .. تِعبت مره يوم يابتني .. وتحسنت احوالها سنين لكني دوم كنت احسسها اني محتاجه لك يالغالي .. يابتك يا عديل الروح ورجعت حالتها .. اني انانيه ما همني راحتها .. ابغى امي .. يارب يشافيها ولا يصير فيها شي ...يارب ..
ودموع عينها تنهمر مثل السيل وتحرق خدودها....
الله اكبر الله اكبر...الله اكبر الله اكبر.. اشهد ان لا اله الا الله .. اشهد ان لا اله الا الله
اشهد ان محمدا رسول الله .. اشهد ان محمدا رسول الله .. اشهد ان عليا ولي الله .. اشهد ان عليا واولاده المعصومين حجج الله .....
تنهدت سجى .. الهي يارب بحق محمد وال محمد عليهم السلام.. فرج كربتنا .. الهي بحق علي عليه السلام ..حلال المشاكل شافي امي ياكريم.. وقامت للصلاه
ويقعد صادق ويملي المكان ازعاج بصياحه .. لمته خيته في احرامها ,, وضمته لصدرها تناغيه لينام وبين ما هي كذا حست بشعور غريب .. حست بقشعريره في كل جسمها وبخاطرها ودها تصيح.. وبحاجه لحضن امها الحبيبه .. حست و صادق متعلق بها وهي تهديه كأنه ولدها .. قطعة منها ... وامتزجت اغنيتها الهادئه بالغصه والدموع الساكبه ... الى ان سكن انين صادق واستسلم للنوم..
ومر الوقت ... وعقارب الساعه جّرت الهم جّر على قلب سجى .. و التقوا عند نص اليوم .. ولا خبر عن امها .. رفعت سجى سماعة التلفون .. وبأصابعها وهي ترتجف بدت تضرب رقم ابوها ..
_ ان الهاتف المطلوب لا يمكن الإتصال به الآن .. نرجو معاودة الإتصال في وقت لاحق ...
اكل الخوف قلبها ... عادت كذا مره الإتصال ولكن بدون فايده .. وبعد حوالي الساعه.. سمعت سجى صوت كراج السياره ينفتح طلعت تركض الا هي تلاقي ابوها شاحب وتعبان ولحاله...
_ يبه.. وين امي ...


_.......................


_ يبه حلفتك بالله ومحمد وعلي رد علي ....


الأب طاح على ركبه وضم بنته و راسه صار على صدرها ..ضمته وهي تصيح مذهوله من هالوضع .. عصرها بقوه
وهو يون ويصرخ .. :اااااه ... الغاليه راحت .. الحبيبه ودعت ...
وسجى مذهوله وشاردة والدموع تنهمر بعفويه بعفوية تااامه وحده ورا وحده..
وبلا وعي تصرخ وهي تهز ابوها ..
_ يبه وين راحت ... ويــــــــــــــــــن؟؟
_ راحت لله يا بعدهم ... راحت لربها يا خلفها..
حزتها انفجعت و تسمرت في مكانها وانتابتها موجة هيستريا صارت تضحك وتضحك والدموع تتناثر .. وابوها على الأرض متيبس لا حول له ... جا عمها اخو ابوها من ابوه... وكان جارهم سمع الصراخ فدخل...
_ شصاير ويش السالفه .. خير اللهم اجعله خير
صارت سجى تصرخ وهي تلوح بيدها تلويح مودع وضحكاتها متعاليه
_امي .. راحت .. راحت ... امي ....
وتصارخ وتصيح ..
العم يحاول انه يتماسك مع هول هالموقف .. ويحاول تهدئة الوضع .. اتصل على زوجته عشان تجي وتهدي بنت اخوه .. جت بسرعه ودخل معها ولدها الكبير قاسم .. قاسم كان بالثانويه العامه ...
دخلوا وكانت سجى بالحوش غطت زوجة العم سجى بعبايتها ولكن بعد ماشبع قاسم شوي زين من المطالع .. >> صبيان عيون بصاصه مو مصدق على الله ..خخخ..
كان قاسم مولع بسجى ويموت على التراب اللي تمشي عليه. .. وعور قلبه حالها في ذلك اليوم ... رجع للبيت وقط روحه على سريره وصورة حبيبة الروح مطبوعه في مخيلته .. وتناهيده بغت تطلع روحه .. تمنى لو انه يقدر حزتها يضمها ويهديها ويواسايها ويمسح دموعها بكفه.. بالمره كان عاشق رومنسي ...
الحلقه الثانيه




قاسم في قاعة الإمتحان النهائي .. يحك ايده .. لا لحكة فيها لا بل لأخراج" البرشوووومه" كانت طويله بالمره تقريبا متر ونص.. >>> والكتابه يا عيني عليها ... .. انتبه له المراقب وطب عليه خوووش طبه.
_ طلعها لااااا اطلع رووحك
_ ويش هي استاااد .. ما عندي شي ..
_ بتطلعها لا انادي لك الإداره .. والله حاله امتحان الوزاره وبدل لا تشد حيلك وتذاكر حق تجيب مجموع يدخلك جامعه.. امحق عاد ويا وجهك قاعد تبرشم .. اهووو طلعها ,,
ودخل الأستاذ اصابع يده تحت كُم قاسم ليطلع الأعجوبه ..
_ ماااشااااء الله .. لا بالله هذي تصلح وزااااااار اتوزر بها ... حضرتك من متى وانت تنحت فيها ..هاااا .. وبعدين قولوا صعبه الأسئله .. وقطوا بلاكم على الإستاد ما يعرف يشرح .. وانتون بدل المذاكره تضيعوا الوقت تبرشم يا زفت...قوم اطلع برى ....
طلع قاسم ولا هاامنه .. والضحكه شاقه بووزه ... وبعد الإمتحان لاقاه واحد من الربع ..: هااا قسااموه ابو القسم . يلعنننن يومك... من متى وانت تبرشم فيها .. رهيبه والله ...
رد عليه قاسم وهو يكركر ضحك ...:
خخخخخخ اسكت واللي يرحم امك هذي توارثوها خوالي واحد واحد وما احد صادهم ما طاحت الا براااسي انا الأهبل ..خخخخ.. يللا.. الله رايد ننجح بالحلال...

وانحرم قاسم من الإمتحان ليحمل الماده للدور الثاني .>>. اسف على رجال المستقبل ؟؟

اما سجى .. اووه لاغبار عليها كانت بنت مجتهده ومثابره وتتمنى تحقيق امنيتها وامنية والديها وبالذات امها المرحومه .. انها تصير دكتوره ناجحه .>>>>."خخخخ تحيز للبنات .. بس هذا الواقع "

وتخرج قاسم بالدف يالله يا ااكريم والنسبه اللي تشرف اللي ما اخذها الا عقب ما اخذ له سنه تفحيط في ثاني ثانوي داش قسم طبيعي "علمي" مفكر حاله عبقري وتغصغص " انحشر" في ذيك السنه ولا طلع الا بطلعة الروح غير 3 سنين ضيعها تقريبا موزعين شي في ابتدائي والباقي في متوسط .. خخخ امحق .. يعني وصل تقريبا عمره 22 وهو كرف في هالدراسه.. بس كان ولا هامنه شي .. ليش..؟؟؟

لأنه مأمن مستقبله .. ابوه غني بالمره ما شاء الله وهو وحيده بين 3 بنات يعني ذراعه اليمين فبلا جامعه بلا بطيخ قابل شغل ابوك واملاكه وعلى الراحه واقبض كل شهر بارده مبرده...
وبعد سنتين صارت سجى بالصف الثاني ثانوي.. وكانت متفوقه وشاده الهمه .. وبأحد الشهور من هالسنه.. كانت بنت عمة قاسم وسجى بتتزوج .. العمه اخت ابو قاسم خليصته .. الزبده ان ابو سجى الوحيد من امه وابوه الباقي اخوانه و خواته من ابوه ..
كانوا خوات قاسم يتجهزوا للمعاريس .. دقوا على سجى تجي وياهم .. جت مع صادق الصغيرون عمره سنتين و7 شهور .. اخذه قاسم يلعب وياه ... >>>>>ايه .... " تسوية حاال ... لفت نظر شقد هو حنين"
وقال لسجى:
_ خواتي فوق ينتظروش روحي لا تخافي على صدووقي فعيوني ياعيوني ..
وقفت سجى تطالعه..!!!
ضحك قاسم : عيوني صدووق الصغيرون ويش فيش روحي لخواتي يستنوش..
وفي باله يقول.. بل بل ما ترضى احد يقول ليها شي .. ويتبع هالتفكير بإبتسامة رضى .. احسن اذا انا ولد عمها وما تعطيني وجه يعني الغريب ابد مصفوق حاله ... خخخخ ويش ابغى احسن من كذا ...
بس سجى كانت تعرف له وبنفس الوقت كانت تميل له بس كانت ما تفكر وايد فيه تخاف انه ظنها مو في محله .. هو اكبر منها بــ 7 سنين.. فقالت يمكن اكون... كاسره خاطره لأني يتيمه ومعتبرني زي اخته فعشان كذا يهتم فيني....فطنشت الموقف ..وركبت لبنات عمها وكانت بنت عمتهم الثانيه.. واسمها ريم وتعدل وياهم ..وتكشخ قايم عندهم وحركتات ..
وقاسم تحت ظل ساعه يلعب مع صادق لين مل صادق وقام يصيح ...
_ ماما.. ماما ... ابغى ماما سجى..
عور قلب قاسم وقطعه مليون قطعه ..
_ خلاص خلاص حبيبي الحين اوديك لسجويتي الحنينه يا حياتها انت....!! أه؟؟ ...!! يا حياتها؟؟ .؟؟ لا لا لا اغار انا .. >>>خخخخ الأخ مررره رايح فيها
...وصار قاسم يهدِّي في صادق. ما يبغى يتفشل وتفكر حبيبته انه ما يعرف لليهال..وصار زي المينون مع صادق . لين دوخه من اللعب ونام ..
ــ اووه نام الولد ويش اسوي ابطلع انا .. خله نايم بالصاله وادق على خيتي تقول لسجوي .. والا لويش المخاسير ما عندي رصيد اصلا خلني انا اركب وادق بابهم واقول انا لسجوي يمكن تسمعنا كلمتين شكر حلوين ...دخيل الله شكر من هالملاك ... >>>> " شلالالالالاخ وحيال اجل ما عندك رصيد.."
وبالصدفه كانت سجى ناسيه اكسسواراتها في بيتهم قالت لبنات عمها
_دقاايق طياري اروح اجيبهم واجي تركتهم على التسريحه..
وتطلع الحلوه سجووي تركض من غرفة بنات عمها وما في ظنة بالها ان في احد بيمر من هنا خصوصا ان غرفة قاسم تحت مسوي له الأخ جناح ...
وقاسم يصعد الدرج .. ومن السرعه يوم شافت قاسم بوجهها تبغى تغطي وجهها ارتبكت و تعثرت بعبايتها .. طبعا الحلوه كانت لا هي لافه الشعر ولا غطى ولا هم يحزنون . ومتكشخه عرووس...
وطاااااخ على قاسم... قاسم مو مصدق عمره... ويقووول في باله .. اللللللللللله مو شكر بس الا... حضنه بعد ....×××××
سجى المسكينه مختلعه وانربط لسانها ويغمى عليها بين ايادي قاسم .>>>>>>>...". خخخخخ فلم هندي ".....


الحلقه الثالثه



قاسم بين ايدينه حبيبته .>>. يوه يوه يوه .. ويش يسوي
ووضعه محرج مو عارف ويش يسوي ؟؟ ظل ساكت ربع ساعه مستناس بعمره .. يوم طولت وهي على هالحال .>>. الله عليه.. ويش سوا..عشان يبرئ روحه وموقفه انه ما يستحي يركب لبنات بدون ما يتنحنح والا يقول.. يالله يالله طياري على طول ...قام غطاها بغطاها ونادى على خواته .. : تعالوا لبنت عمكم اغمى عليها .... الحقوا يا اخواااتي ...ياهووووووووو...........
وجوا يركضوا وهو وخر على جنب >>>مسوي حاله ما يدري عن شي..
سألوه ويش صاير..؟؟؟ رد عليهم :
والله تنزل الدرج متغطيه وانا في الصاله اقول ليها صادق نام وتتعثر بعبايتها وتطيح...
قالت اخته : غربل الله شرك وانت ضاق عليك البيت كله وما لقيت الا الصاله .. تدري سجى وريم ويانا وتدري بأي لحظه ممكن نحتاج شي ونطلع يعني ما ناخذ راحتنا ...
انقهر ابو القواسم: اقووول ورا ما تسكتي لا تفقعي راسي صار اللي صار..
ــ الحين ويش نسوي . ما طاحت الا على الدرج تعالوا نشيلها .؟؟
"كان قاسم يستناهم بيوصلهم لصاله الأفراح"
ــ وخروا بس كل وحده فيكم متكشخه وما ادري ويش.. الحين تعرقوا وتسيحوا هالصبغ اللي بهالوجوه وترجعوا تدعبسوا... وتخربشوا... وما ادري متى تخلصوا وبتعطلوني .. اهوو بس.. لا حرج.. حالة طوارئ...وي وي وي >>>>>>خخخخ الا فرررصه .. ياسوبر روميو..!!!
قاسم شال سجى لغرفة خواته..
طبعا ريم بنت العمه كانت تراقب الموقف وميته من الغيره والحقد والحسد .. كانت تموت في قاسم ومحترق قلبها وهي تشوف سجى بين اياديه وهو شايلنها للغرفه..
ويوم طلع قاسم من الغرفه سوت ريم حالها طيبه:
ــ يوه.. سجوي كانت بتروح تجيب اكسسوارها.. هي قالت انه عالتسريحه صح... باروح اني اجيبه ليها تعبانه مسكينه ...
وطلعت تجيبه...
وهم يصحوا في سجى .. لين صحت..
ــ الحمد لله .. الله يهديش سجوي ما ترفعي غطاش وانتي نازله الدرج ..
سجى في بالها .. غطاي ؟؟
فهمت السالفه...وسكتت .. عجبها موقف ولد عمها يوم يغطيها مفكرتنه غطاها على طول..>> خخخ ما تدري يوم توهق وما درى ويش يسوي .. بس ماتت من الحيا والفشله يوم درت انه شالها .. وهم يقولوا عادي زي اخته فطوم انتي.. اخته بنفس عمرها وخويتها الروح بالروح..
اما ريم طلعت ترررركض وقاسم على باب الطريق من داخل .. توه بيطلع.. وتسوي حالها تتعثر ححححححححح وتفحط ...وتطيح روحها بالحوش...
ويالله تنتظر هي السوبر روميو يسعفها .. ولا سمعت الا صوت :ههههههههههههههههههههههه استغفر الله شوي شوي خيتووو
.. وطااااخ صوت باب الطريق يتسكر... >>>>> لا مفكره حضرتها حضن روميو سبيـــــــل ..خخخخ×××
ورجعت ميته من القهر بس ما انتابها الا شدخه وغبره ..
ــ وين الإكسسوار
ــ رجعت قلت يمكن سجى ما ترضى احد يدخل غرفتها وهي مهي موجوده.. ..>> امحق عذر...
ـــ لا عادي خيتي الغرفه غرفتش..
ريم فبالها تتحمق.::عادي خيتي الغرفه غرفتش..××× مالت عليش .. بس يحرم على غيري قاسم يالبايخه.. يالممثله..××× >>>>خخخخ مو كل يرى الناس بعين طبعه..!!

وصار قاسم ذيك الليله يقلب الفكر يمين وشمال.. وعلى ذاك السرير اللي قام يصارخ من كثر ما تقلب عليه اخونا وذيك المخده اللي نتفها من كثر القهر.. وقام يهلوس ويكلم حاله....استخف سيد قيس.. وكل همه شقااه بليله..
ـــ افففففف لمتى هذا حالي .. لمتى اموت فيها وهي ما تدري بي .. لايكون تدري وما تبغاني .. افففف ويش اسوي .. اخاف اصارحها وتاخذ عني فكره ... اااااااه ويش اسوي ......!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هههههههههههههههههههههههههههههه كح كح ويلي ااه ..... >>>>تذكر شدخة ريموه بالحوش ........ اااااه يا سجوي مااحلاش وانتي بحضني ؟؟؟؟ ويش اسوي...؟؟؟؟؟؟؟؟؟؟؟؟؟؟؟؟....ااااااااااااااااااااااا اااااااااه........................اففففففففففففف.. ..؟؟؟؟؟


اهاااااااااا مالي الا خيتي فطوم هي اكثر وحده خويتها اقول ليها وتكلمها ... ايوووه ههههههه يارب تضبط وياي ..
وناااام وهو مستاااااانس...

ويوم ثاني صاير الأخ طيب مع فطوم.. هااا فطومي ما تبغي السوق والا مكان اوديش...
فطووم:؟؟؟؟ ..... بسم الله مصخن اخوي.. اول امس ابغاك توديني اخذ لي نعال حق ثوبي البارحي منت راضي لا و تسخر علي تقول لي قصي نعالي على مقاسش وحطي فيه زري و شرايط والبسيه...>>>>استظراف صبياني..خخخ.. واليوم نازل عليك وحي الطيبه والحنيه !!! .. ويش فيك ..؟؟!! ... ..
ـــ بل بل خلاص الواحد يحتار وياكم اذا ما طاوعكم قلتوا نحيس وما منه فايده واذا طاوعكم قلتوا مريض ويبغى شي.. بس... بس.. بلا هدره....
ــ اقول قاااسموووه قوم بس شكلها السالفه خطيره تعال وقول لي..
وقعدوا لحالهم بغرفه وفضفض ليها كل اللي فقلبه..
وصارت تكركر من الضحك ... يلعن بليييييسك البارحه ها .. طاحت وما تدري عن شي هاااا اتاري بسبتك يالبايخ
هااااااا.هههههههه..حيــــــــــــــااااااااااااال. ..نصاااب..
ــ اقول لا تقعدي الحين قرقر بربر و تسوي حالش علي وتخليني اندم اني قلت لش شي ..
ــ خلاص خلاص من عيوني اجس لك نبضها ,,,كم قسوم عندي ...
ــ يابعد روحي خيتي عاشت عاشت...
وفي العصر دقت فطوم على سجى : الووو سجووويه ويش عندش الحين
ــ ولا شي خير ان شااالله
ــ لا بس اباجيش ملانه حدي ودي اسولف وياش
ــ حياش الله غناتي البيت بيتش
سجى ما شكت بشي عادي معتاده على فطوم وحركاتها وطلاتها كل ما بين فتره وفتره
جلست فطوم .. صاروا يسولفوا سوالف عاديه عن مدرسه فلانه وعلانه وصار وتيك وتاك .. وسواليف بنات مداارس ..>>>>>>>.خخخ كل مرحله لها سواليف ..خخخ
قامت سجوي بتضيف فطوم ..
فطوم قعدتها: قعدي خيتو ما ابغى شي اباقول لش سالفه ..
ــ هلا عيوني قولي...
ــ والا اقول لش قومي جيبي لي ماااي اول
ـــ ياعلي لهالدرجه السالفه خطيره خير ان شالله
ــ خير ان شالله
ــ شربت فطوم الماي ومن الربكه شوي وتقرض الكاس ...
ظلوا هدوووء شوي زين...
سجى بتفتح بوزها بتسأل ويش فيش؟
تقاطعها فطووم : الصراحه سجويه ماني عارفه ويش اقول لش بالمختصر.. اخوووي يسلم عليش ويقول لش قلبه اخذتيه ياترى وينه عندش ...>>>>>>." الله الله على الرومانسي الشاعري "
ــ ابتسمت سجوي وتلون وجهها الوان .. واخذت الكاس من ايد فطوم وشربت الباقي .. وصارت تنافخ......... ـــ ابغى هوااا هواااااااااا ...
فطوم اختلعت : يووه ويش فيش سجوي لا تسويها ويغمي عليش تراش راعية سوابق انتين ..
قالت: لا بس افتحي النافذه.. ابغى هواااااااااااااااا... اوكسجييييين..
قامت فطوم طياري فتحت النافذه ..
ها سجوي ويش فيش اهدي هاااا.. شهيق.. زفيير... وقول لي ويش ارد على اخوي ؟؟؟



اسفه اذا رح اتاخر عليكم في تكملتها

مشكورين
ندوووي
ندوووي
عضو جديد

انثى
عدد الرسائل : 49
تاريخ التسجيل : 27/08/2008

الرجوع الى أعلى الصفحة اذهب الى الأسفل

المنتدى الإسلامي رد: روايه اسف عليك ياقلبي.. مو عليك ياحبي

مُساهمة من طرف حبيب الرضا السبت سبتمبر 20, 2008 3:04 am

مشكورة على المشاركة ويعطيج العافية وان شاء الله موفقين والى الأمام
حبيب الرضا
حبيب الرضا
عضو مميز

ذكر
عدد الرسائل : 580
العمر : 42
المزاج : العمر 28
تاريخ التسجيل : 05/03/2008

الرجوع الى أعلى الصفحة اذهب الى الأسفل

المنتدى الإسلامي رد: روايه اسف عليك ياقلبي.. مو عليك ياحبي

مُساهمة من طرف دلع عمري الأربعاء سبتمبر 24, 2008 2:45 am

يسلمو خيتوووووووووو مرره حلووووه كمليه لني متحمسه بليززززززز
تقبلي مروري المتواضع
دلع عمري
دلع عمري
دلع عمري
عضو نشيط

انثى
عدد الرسائل : 111
العمر : 31
تاريخ التسجيل : 10/07/2008

الرجوع الى أعلى الصفحة اذهب الى الأسفل

المنتدى الإسلامي رد: روايه اسف عليك ياقلبي.. مو عليك ياحبي

مُساهمة من طرف ندوووي السبت سبتمبر 27, 2008 6:11 am

الحلقه الرابعه



ظلت سجى فتره ساكته ومهي عارفه ويش تقول متفاجأه .. ومستانسه... طلع ظنها في مكانه ... وشتت هدوئهم مسج جا لفطوم...
" انا برى.. البيت ... اقوول بس تخلصي عطيني مسد كول عشان ارجع مو تخليني قاعد على اعصابي ...."
ابتسمت فطوم: هذا قاسم يالله بمشي...
ـــ لالا اقعدي تعشي وياي ..
ـــ ههههههه تبغي قاسم يفرمني...ويسويني شاورما..
ــ بل بل يمه ...
ــ لا تخافي انتين احم احم طبعا غييييييييررررررررر .. تعالي بس ويش ارد عليه ...
ـــ قلبه هنا...
واشرت سجوي على قلبها ...
فطووم تلونت: خلاص عاد استحي اني والله توهقت فيكم .. احبكم ويش اسوي بعد
وبين ما فطوم طالعه تلبس نعالها ..
نادتها سجوي:
ــ فطوم هااش اخدي..
ــ الله ام اند امز .. الله الله حقي يسلموووو
ــ هههههه مو حقش..
ـــ ؟؟؟
ـــ حقه....
ـــ ههههههه الله الله وتدري به يحبها بعد .. اااخ بس الله لينا .. صدق من شاف احبابه نسى اصحابه
ـــ بلا نحاسه انتين ما تحبيه تحبي جالكسي ادري بش انتين بعد ..هااش بس ابغى امزح وياش...
ــ هههههه يسلمووو بس عناد من اليوم باحب ام اند امز عناااد فيكم هههههه
وراحت فطوم البيت ..
ودخلت غرفتها .. ودقت على قاسم ..
ــ بللللللل مسرع ما مداه يرن معلقنه فأذونك؟؟
ــ اهووووو... بلا هدره ويش صار ؟؟
ــ لااااااا والله. انت قلت مسد كوول ورديت على طول بتخسرني .لاااا وتصارخ علي بعد ماني قايله...×××
ــ خلاص ياعمري حقش علي مواااااااااااااااااه بعد وهذي بوسه ..
ــ مو الي البوسه فارقني ...
ــ اهيييي عليناااا لا تصيري نحيسه كذا ×××>>>دلع بناااات .خخخ
ــ هههههه امزح
... وتهز الإم اند امز بيدها ...>>>>>> شخشخشخشخشخخشخ
ـــ ويش هالصوت مُخش انخرش خيتووو
ـــ هههههه لا اسم الله علي هذا ام اند امز هديه حقك
ــ الله ويش المناسبه
ــ مو من عندي من عندها .. ياللله تعااااااال بس تعالاااااااا))))..
ــ كح كح كح كح >>>>>" شرق الأخ"... من عندها لا تفتحيها لين اجي هااا
ــ ههههه ما افتحها ..في المشمش... هذااااااني ااااكل منهاااا))) ممممممم..
.. وتفتح الجالكسي وتسمعه صوت القراطيس ....
ــ فتحتيها هاااا )))) ثواني اباجيش وافتح راااسش...>>> ياعنيف مفك قواطي ..خخخ
ـــ هههههههه....
....طاااااخ ...>>>قفلت بوجهه..

وبسرررررررررعه وصل وطااااااااااااااااااخ صفق باب غرفة فطوم بالجدار من قوة الهجوم لا احم ولا دستور....
ــ يمه يمه بسم الله علي هدّي مين لاحقنك خيي؟؟
ــ اقول بلا نحاسه ويش صار ووين هي الشوكولاته وليش فتحتيها و.. و...و..
ــ بل بل شوي شوي علي ...
الشوكولاته هااك ما فتحتها اصلا ما احبها احمد ربك .. واما الحبايب يسلمو عليك ويقولوا لك قلبك هنا ...
>>>>> واشرت على قلبها ....
ــ أه.. لاعااااد.. أفا ؟؟ وويش اسوي انا في قلبش ؟؟!!!!!
ـــ هههههههههههههه.. اي بالله اخوي استخف .. امثل لك يا حظي يعني ... قلبك في قلبها ..
ــ اللللللللللللللللللللللللللللللله هي سوت كذا ..
ــ يس ......
ــ لللللللللللللللللللللللللللللووووووووووووووووووووو ش يا حلاتها يا سعدي يابختي ...
ــ هههههه اقول حجيه بلا حركات عجايز...
ــ حجيه فعينش انا قاسم رجال وغصبن عنش
ــ لا عاااد عدال لا يصير فيك شي .. وي وي
ــ اقول تراش مصختيها ... اوريش
ـــ وريني ... وانت اللي بتندم
قاسم في باله .. أي والله انا يالله لاقيت مرسول غراميات الحين اطيره من ايدي اعقل يا لخبل .... >> ياكثركم يارواعي المصلحه ..اخ يادنيا خخخ..
ــ خلاص خلاص خيتو بس لا تستفزيني
ــ هههههه خلاص ولا يهمك أي خدمه تانيه افندم
ــ لاْ.. متشكره ..ميرسي اوي اوي..
وطلع قاسم وحده طاااير من الفرحه ..والشوكولاته في ايده ويهلوس فباله .. الله كل يوم باكل حبه وحده لا تخلص واذا خلصت باخش القرطاسه .>>>>. خخخخ رومنسي فلل الأخ.....
امــــــــا سجى ... ذايبه ذوبه مي مصدقه اللي صار والسالفه مهي قادره تستوعبها ... وفرحانه حدها..
ومرت الأيام وفطوم مرسول الغرام حق طيور الحب الحلوين .. توصل سلام وكلام واي شي .. واغلى شي على قلب سجى من عند قاسم كان سلسال فضي به تعليقه قلب صغيرون .. وصارت سجوي لابستنه على طوول...

وفيوم زاد الشووق حده في قلب قاسم قرر خلاص انه يخطبها ... قال لفطوم ..: ها قولي ليها ابخطبها.......
ردت له فطوم الخبر.. تقول لك لين تخلص ثالث ثانوي.
ــ الله الحين هي توها مخلصه بس نص الترم في ثاني ثانوي باقي نص سنه انا وييش يصبرني .. لا و بعدها سنه قدام.. كفايه اللي صبرته .. قولي ليها بس الخطوبه ما بنتزوج الا اذا تخرجت من الجامعه لو بغت بعد .. بس على الأقل اكون وياها...
وبعد كم يوم راح ابو قاسم مع قاسم وخطبوا سجوي....
سجوي كانت مستانسه وحدها طايره من الفرحه وبحفلة الخطوبه لبست ذاك الثوب الروعه ولفت على الخصر حبل ورد.. ولبست قلادة ورد ..
والباقه تفننت فيها شمعدان خشب المسكه حقه طويله و لفت على المسكه ورووود كثيره يعني صارت اميرة الورد.. وحطت شمعه حلوه بالشمعدان ودخلت وهي منكسه الشمعه تزحف على الأرض والشمعه مطفيه .. وبعد كم ساعه جاها قاسم حامل باقه حلوه وشمعه مشتعله ومضويه ظلام الصاله بدخلته وصل لعند سجى وقفت له.. باس جبينها .. ورفعت له شمعتها .. وولع شمعتها بشمعته ... وهمس بأذونها :.. ..انتي يا شمعة حياتي..احبـــــــك..
وهي تبسمت بخجل وردت : وانت ضوى هالشمعه..
ودمعت عيون سجوي..
ـــ ويش فيش ياعمري..؟؟
ــ تذكرت امي كان حلمها تشوفني بهالليله..
مسح دموعها بكفه...
ـــ الله يرحمها ويحسن اليها هي تشوفش الحين يا احلى ملاك ياغناتي انا لش امش وابوش وكل دينتش..
ـــ تسلم لي يالغالي ..
ـــ اللللللللللللله... ااااه.. الله يسلمش لي ويحفظش يابعدهم..
وجت فطوم بعدين حامله صندوق فيه الشبكه وتاج حلو لبسه قاسم اميرته ... وتوهق شوي زين في الحلق... >>>>>>خخخخ .. " وهقة الرجال أي بالله ولازم له سعيف حزتها "..
المهم كاانت ليله اسطوريه الكل تكلم فيها عن روعة سجى وخجلها الفتان وعن رومنسية قاسم وحنيته مع الخطيبه الغاليه... وكانت فعلا ليله من ليالي الف ليله وليله ....


.

.
الحلقه الخامسه





طبعا ... في مكان ما في ارض الله الواسعه بيت ريم .. الحاقد الوحيد على سجوي


على سريرها.. وفي الظلمه.. وضامه مخدتها.. والدموع اربع اربع.. والدعاوي قايمه يادافع البلا.. سوت حالها مريضه بس عشان لا تروح

وبنص الليل .. قبل لا يجوا امها واخواتها
فتح عليها اخوها الباب.. وطالع فووق
ــ بل اشوى ما طاح سقف بيتنا من العجب.. ريمووو هنا.. ما رحتي الحفله.. عااد انتي قبل الطقاقات عاده تعسكري في الصاله.. لا يفوتش شي
ويش صاااير الليله !!!!!!؟؟؟؟؟
وتكفخه بالمخده
ــ اطللللللللللللللع برررررررررررررررى مو شغلك
ـــ بسم الله زين زين.. يالفك المفترس يالبعبع..
وطاااخ يا مسكين يالباب
ويرجع يفتحه
ــ اقول يوعااان ورا ما تسوي لي بطاطس مقلي ؟؟ >>> خخخ متفرغ

وتقوم ريمووه تركض
مو عشان تسوي له عشان تنتفه
زين نفذ بجلده خخخ



وتمر الأيام الحلوه على سجوي وقاسم
7
7
7
7
7
7
7
7
7
7
7


قاسم ياحلا هالكون انا افدى هالقلب والروح
هديه من ربي المعبود يوم انه كتبك من نصيبي
اعيش في عالمك ظلك وين ما تروح انا باروح
واداريك عن كل عين بعيني يا سلوتي ويا حبيبي
وليفي يوم انجمعت بك داويت لي ضيم ويا جروح
عساني منحرم منك وياجرحي زيد دام انت طبيبي

ـــ اااااه صح لسانش يابعد هالروح .. يا غناتي والله تسلمي لي ويش اسوي.. ويش اقول حسافه ماني شاعر .. بس صدقيني ما باقي شي على اللوحه وتخلص..

ـــ ايه العب علي اني سويت فيك ديوان وانت من متى تعشمني بهاللوحه ياعلي ما صارت هذي سجى هاللي بترسمها ..

ــ اه.. مو غناتي وحبيبتي لازم ارسمها حليووه واتفنن فيها..

ــ لازم ترسمها حليوه !!!.. ليش الحين الحقيقيه مهي حليوه,,؟؟ >>> دلع بنات

ــ افا.. انت القمر يغار من طلتش ويستحي.. من نظرتش يا بعدهم

ــ اوه اوه صرت شاعر .. يا قلبي الله يخليك. يكفيني انك بجنبي هذي احلى هديه ويكفيني قولتك حبيبتي هذي عندي ما هي شويه....

ــ الله اللللللله .. وربي وربي فنانه .. اااه لو تدري شقد احبش ..الله لا يحرمنا من بعضنا قولي امين..

ــ ياارب امين بجاه محمد واله

ــ اللهم صلي وسلم عليهم..
كانوا مثل طيور الحب ترفرف عليهم السعاده وكانوا اروع اثنين.. والحياه بالمره احلوت في عين سجى بوجود قاسم جنبها..
وجت فترة امتحانات نهاية السنه.. وقاسم غيرااان من الإمتحانات والكتب
ــ افففف عاااد الحين بتلهيش هالقراطيس عني.. مانا مانا اغار
ـــ ههههههه لا تصير زي اليهال عاد ياعمري
ــ الا باصير زيهم.. ياهل واكبر ياهل ويبغى حنان وتدليع زين ولا هو شغلي فيش ولا في امتحاناتش.. عطينا وجه عاد .. مو تحقرينا .. ولمتى امتحاناتش هذي
ــ اسبوعين
ــ بل بللللللللللل .. ااااه.. انا ما اصطبر دقيقتين . اصطبر اسبوعين
ــ لا وقبل بعد اسبوع ابغى اذاكر فيه ..>>> تحاول تتغلى عليه ..خخخ
ــ ياعلي والله حرام لالالالا هذا هالإسبوع خصم .. ما فيه .. غياب فيه نو لا ومليون الف لا..
ــ ههههههه زين بس من يوم الأربعا ببتدي كرف
ــ منا للأربعا لينا حديث اخر
ومر الإسبوع بغمضه عين وجا يوم الأربعا
ــ لا عاد .. ارحميني.. حني علي .. ليوم الجمعه..
ــ ههههه لا تقول بعد ليوم السبت الصبح
ــ جاااااااان زين...
ــ المفروض تخاف علي وتخليني اهتم بدراستي وتنصحني اقابل كتبي
ــ وربي خايف عليش واتمنى لش النجاح بس انااا وويش اسوي اخاف انجلط من طول البعاد.. ابشتاق..ما اقدر
ــ اسم الله عليك عسى عدوينك ..بس لازم تقدر حبيبي صدقني كل ليله قبل لا انام ابادق عليك وبسولف وياك ساعه
ــ بس يالبخيله.. وااايد عليش
ــ يوه.. حرام عليك هذا وبعدني في ثاني بكره اروح ثالث ثانوي.. وبتشوف الغياب على اصول
ــ بلللل الله يصبر قلبي المسكين .. يا قلبي الله يعينك
ومر اسبوع من الإمتحانات
الأسبوع الثاني..كان على سجوي بيوم الإثنين امتحان فيزياء
الا قاسم يدق..
ــ هلا حبيبي
ــ ويش فيش ما تردي صار له ساعه يرن
ــ ههههه بل ساعه ,, لا بس حاطتنه صامت عن لا يزعجني
ــ افا افا صرت انا مزعج الحين..
ــ ياعلي ويش فيك متحسس ما اعنيك حبيبي بس اهدأ لي صامت لا تزعل عاد ..
ــ طيب لا ازعل ..مممممم .. شوفي لا تقولي ما فيه.. انا مانا قادر.. كفايه اسبوع ويومين .. يعني تسعة ايام.. يعني مئتين وسطعشر ساعه يعني اطنعشر الف وتسع مئه وستين دقيقه يعني ......
ـــ هههههههههه خلاص خلاص .. يبغى لي تجي وتعلمني رياضيات بس اسف امتحنته و بكره فيزيا..ههههه كل هذي حسابات..
ــ ااااه ما تحسي فيني انتي خليني لش مدرس خصوصي..
ــ لويش تقول كذا... داخل قلبي انت. مممم مدرس خصوصي هههه حق المذاكره السنعه بس . والله حتى اني مشتاقه
ــ شلالاخه..
ــ افا.. ويش تبغى اسوي عشان تصدق
ــ تطلعي وياي اليوم واحشتني يالنحيسه
ــ لالا بكره فيزيا صعب وما ذاكرته من قبل ما بيمديني
ــ شفتي .. قلت لش شلاخه ما تصدقي
ــ ياعلي حرام عليك قسومي والله احبك ..
ــ لا زعلت انا خلاص .. زعلان ياقلبي ومين يراضيك.. تحب الفيزيا اكثر مني.. >>> واتددددددلع..
ــ خلاص ابطلع وياك. بس بشرط
ــ وانتين كله يا تعانديني يا اذا رضيتي تحطي قيود حرام عليش حني علي
ــ انت اللي افهمني عاد تكفى.. ابطلع بس ساعتين بالكثير وترجعني البيت
ــ امري لله .. والله هالساعتين بيمروا لحظتين يللا بس...حكم القدر جاير علي .. بس والله وربي .. قسم قسمات .. وقاسم اذا اقسم قول وفعل.. ان ما عوضتيني بعد امتحاناتش هذي ابذبحش
ـــ يمه هههههه اعوضك ؟؟
ــ ايه ان شالله اعسكر عندش 24 ساعه مانا رايح بيتنا..
ــ الله .. ههههه فعيوني ياعيوني
ــ تسلم لي احلى عيون وراعيتها
وطلعت سجوي مع ابو القواسم العصر.. ويللا دواره وداها البر وصعد بالسياره على الطعس وجلس وياها في الهوا الطلق...>>> حيال ما وداها البحر اقرب.. طار للبر حق يطول المسافه ساعتين حقه وساعه للطريق..
ــ يللا حبيبي بتغيب الشمس..
ــ خلها تغيب .. اباعد وياش النجوم
ــ هههههه ياعلي حرام عليك .. بردت
ضمها اله.. ــ ها خلاص بتدفي الحين
ــ ما ذاكرت..
ـــ اوهوووووووو ...لا تتحججي انا وياش وعقلش مع هالفيزيا.. عاد خلي لينا شويه اهتمام
ــ خلاص ياعمري ولا تزعل .. >>> يالـ التضحيات..
وظل وياها للساعه 8 بالبر بعدين وداها مطعم وعشاها
وما رجعها البيت الا الساعه 12 وهي منهده ما نامت العصر ولا ذاكرت مسكت الكتاب تطالع فيه ظلت للساعه 3 الفجر وهي بس تطالع فيه تحس كلما ذاكرت خرت ولا شي يلبق في مخها.. تعبت ورمت الكتاب وطاااخ تدقها نومه ...



الحلقه السادسه







جلست سجوي يوم ثاني الصبح وهي مرعوبه ياعلي ما ذاكرت شي ويش اسوي.. وتمسك اوراق العمل وتطالع في المسائل والقوانين بسرعه.. وتروح المدرسه وتناشد خوياتها يساعدوها وبالأخص فطوم
ــ فطوووووم الحقي علي .. ما ذاكرت شي
ــ حسبي الله عليك ياقاسموه كله منه هالياهل صح
ــ حرااام خليه اني مني ما احد قال لي ما اذاكر من قبل...
ــ والله اني مذاكره من قبل واحس روحي مو لهناك ..مهي حجه ما ذاكرتيه قبل ولا تدافعي عن هالدب النحيس اوريه اذا رجعت البيت...
ــ فطوموووه ماني ما ارضى عليه .. خليه الحين... جايتنش ابغاش عون,, تصيري على قسومي فرعون...
ــ ههههههه يلعن ابو الحب اهووو... بس تعالي باراجع وياش عالسريع
ويصيروا يراجعوا بسرعه..
وكانت معاهم ريم.. ريم ما تكره احد في الدنيا قد كرهها لسجى.. وابليسها قاعد يوسوس" ياعساش ما تربحي.. امس وياه .. يا حسرتي.. الله ياخذش يالنصابه.."


ويبتدي الإمتحان .. وزعوا الورق.. سجوي تحك عيونها مهي شايفه عدل .. الأسئله ساحت على بعضها من النعس ما قامت تشوف وصدعت
وخربطت خرطي كل شي...
ورجعت منهده .. ومزفته.. وصار اللي توقعته.. ما جابت علامة النجاح خسفت بالنهائي .. وبالشهري ما كانت جايبه العلامه الكامله.. فطاحت براسها .. ولأول مره بحياتها ترسب بماده وتشيل همها للدور الثاني..
>>>>ويالــ شماتة العدوان ..
وجت الإجازه الكشخه.. اجازة الصيف.. وياعيني عالطلعات والروحات والجيات..
وقاسم متحسف على حبيبته يحسها زعلانه.. ويهون عليها .. ان شالله تعوضي ولا تاكلي هم طول ما انا وياش اباعلمش ...>> ايه مو هو ساس البلا.. امحق مدرس عاد.. هو يبغى له من يدرسه .. خخخ


وفي يوم من صباح الله خير قعد قاسم صوت نغمة حبيبته... >>> رومنسي رهيب.

ــ الوو حبيبي قسومي صباح الخير ..الحق علي


ــ صباح الأنوار.. خير ياغناتي ويش صاير


ــ ابوي عنده اجتماع وجواله مغلق.. وصادق اخوي مصخن مره والتعب زايد عليه" صادق مريض من ولدته امه.. قلبه ضعيف"


ــ الحين هدي ياغناتي وصلي على محمد.. الحين اباجيش اجهزوا .. مشوار الطريق..


وما طول قاسم عليهم.. ووصلهم المستشفى . وسجى خايفه على اخوها مووت


ــ هدي ياعمري صلي على محمد.. ان شالله ما يصير الا الخير


ــ اللهم صلي على محمد وال محمد ان شالله يارب بس هالمره حالته غير.. زايد واني خايفه موت عليه


ويطلع الدكتور ..


وسجوي ماسكه قلبها


ــ هاا خير يادكتور طمنا ويش فيه الولد؟؟؟..


ــ والله مش عارف أأول لك ايه .. دا لازم له عمليه بسرعه.. صمامات ألبو تعبانه أوي ..والنبض ضعيف..لأ.. دا وضعه ما يستحملش.. انت ابوه؟؟


ــ لا انا زوج اخته..


ــ أمال فين ابوه..


ــ مشغول انا الحين بداله


ــ بس ضروري ابوه يتكفل بإجرائات العمليه ويجينا حالا


ــ طيب باروح له الحين.. سجويتي انتبهي لنفسش باروح لعمي وبخبره.. اوكيه


ــ اوكيه على مهلك حبيبي سوق لا تسرع


ــ يا عمري.. ان شالله يللا فأمان الله


ــ الله يحفظك..


وصل قاسم لعمه وخبره وجوا طياري للمستشفى


وسجى كانت تنظر لأخوها وهي يتنفس بسرعه والعرق يتصبب منه .. وهي تصيح وتدعي الله " يارب شافي حبيبي .. شافي كياني هذا قطعة مني.. يارب بعده صغير على العذاب ارحمه يا الهي.. وشافيه لي .. يارب هذا باقي ريحة امي .. امي راحت عشانه..


وصارت دموعها تسيل شلال يوم ذكرت امها


" يارب لا تفجعني بفقده دخيلك يا الهي.."


وبين ما هي تدعي .. فتح صادق عيونه.. تبسم وقال لسجوي:


ــ ماما ابغى ماي..


صارت تمسح على راس اخوها..


ــ امي .. ماي ياعمري اجيب لك ماي .. لعن الله يزيد وقومه.. الحين ياغناتي باروح اجيب لك..


طلعت بتروح للبراد بتجيب لأخوها ماي .. وهي راجعه.. حست بقبضه في قلبها


وصلت لغرفة اخوها الا الممرضات متجمعين والدكتور معاهم وحاطين تنفس اصطناعي لصادق .. والحاله قايمه


ــ ويش صار فأخوي ويش فيه..


ــ ما تخافيش يابنتي ان شالله خير بس دا عاوز هوا اكتر..


سجى تناظر اخوها بحسره.. عينها عليه وعلى تخطيط قلبه


وكل ما قل مستوى التخطيط حست روحها بتطلع ..


وصلوا قاسم مع ابوها .. دخلوا المستشفى وبين ما ابو صادق يوقع على اوراق العمليه.. سمعوا صراخ سجى..


راح قاسم يركض ودخل عليهم .. لقاها مرتميه على اخوها ودار براسه للتخطيط لقى النبض متوقف -------------------------- ..


حاول يتماسك بس رجله شلته تسند على الجدار.. ودمعته انسلت من عينه .. وتوجه لسجى جلس جنبها وحوطها بذراعه وصار يحاول يهديها .. بس من شدة الفجعه صارت تقول : كل مني اني .. اني اقتل اعز الناس.. اني اقتل كلمن احبه ويحبني.. امي ماتت مني .. واخوي الحين مني ما انتبهت له عدل


ــ سجى غناتي هذي ارادة الله استغفري ربش مو منش حرام هاللي تسويه فروحش


ــ حتى انت اني اخاف عليك .. اخاف اقتلك بعد ... اني شؤم..


ــ هدي ياعمري اذا موتي لحبش راضي به هدي..


ولا يسمعوا الا صوت ضربة الباب بالجدار ووراها ونه تقطع القلب:


ــ ااااااااه ..


تلفتوا لقوا ابو صادق وجهه ما يتفسر ومنذهل ومتسند عالباب.... ودموعه بللت لحيته..:


ــ راح الولد .. هاااا .. راح السند..راح خلف اللي راحوا ولا عودوا.. راح خلفها..وعلى الله الخلف..


قام قاسم لعمه وحط ايدينه على كتفه..


ــ شد حيلك يا عمي البقا في راسك الله يخلي لك سجى وتفرح بأولادها


ــ ااااااااه .. الولد راااااح.. سلام الله على الحسين ورضيعه..


وصار يبكي .. وقاسم خلاه يطلع حرته فلا اعظم من ذكر مصاب الحسين وعياله في مثل هالمواقف..



وعن قريب انشاء الله بكملها
ندوووي
ندوووي
عضو جديد

انثى
عدد الرسائل : 49
تاريخ التسجيل : 27/08/2008

الرجوع الى أعلى الصفحة اذهب الى الأسفل

المنتدى الإسلامي رد: روايه اسف عليك ياقلبي.. مو عليك ياحبي

مُساهمة من طرف ندوووي السبت سبتمبر 27, 2008 7:57 am

اتمنى اني اشوف المره الجايه اذا دخلت ردود اكثر

وحماس اكثر من الاعضاء
ندوووي
ندوووي
عضو جديد

انثى
عدد الرسائل : 49
تاريخ التسجيل : 27/08/2008

الرجوع الى أعلى الصفحة اذهب الى الأسفل

المنتدى الإسلامي رد: روايه اسف عليك ياقلبي.. مو عليك ياحبي

مُساهمة من طرف دلع عمري الأحد أكتوبر 05, 2008 8:47 pm

ندوووووووووووي خيتووووووووووووووو بليززززززززززززززز مو قادره كمليه تكفي طلبتك كمليه
شكله مررررررررررره حلوووووووووووو
ترني متحمسه كمليه خيتووووووووووووو
انشاء الله تكون نهيته حلووووووووو حق قسوم وحق سجوي
تقبلي مروري
صبايا شباب شاركو خلوه تكمله
دلع عمري
دلع عمري
عضو نشيط

انثى
عدد الرسائل : 111
العمر : 31
تاريخ التسجيل : 10/07/2008

الرجوع الى أعلى الصفحة اذهب الى الأسفل

المنتدى الإسلامي رد: روايه اسف عليك ياقلبي.. مو عليك ياحبي

مُساهمة من طرف ندوووي الأحد فبراير 01, 2009 4:21 pm

الحلقه السابعه



ـــ امــاه .. جيتك اسلم عليش.. واترحم لروحش يالغاليه .. اماه هذا حشاشة جوفش جنبش يواسيش.. وتختنق بالعبرات .. اماه ليش خليتوني.. والله محتاجه ليكم.. خذوني وياكم..
ويضم قاسم ايدها بالقوه ..
ــ يا سجى يا حبيبتي استهدي بالله ومحمد واله.. يا غناتي ليش تقولي كذا
هذا قدرهم.. .. جعل يومي قبل يومش..
ــ لالا لا تقول كذا انت سندي يالحنون الله لا يفجعني بك
ويحط يده على خدها
ــ طيب هالدموع لا عاد اشوفها مره ثانيه انتي ما تدري شقد غلاها عندي وامش الله يرحمها ما يرضيها تزعلي حالش وبعدين انتي انانيه زين
ــ ليش تقول كذا ؟
ــ اجل تدعي على نفسش بالموت .. ليش ما فكرتي فيني ويش باسوي بدونش ها
ابموت انا كل شي ولا سجوتي ..
ويقطع الحزن والألم ابتسامه بهداوه و همسه..
ــ والله احبك.. الله لا يحرمني منك
ــ ولا يحرمني منك يالغاليه.. و يللا بدل الدموع اقري لأمش الفاتحه وادعي ليها وخلينا نمشي
ــ ان شالله
تعبت سجى بهالفتره .. اليوم في نظرها سنه .. كان فراق امها تاعبها والحين زود عليها اخوها الهمّ ..وقربت تفتح المدارس وسجى ماليها خلق .. والسنه كانت اخر سنه .. فقررت تأجل لا تتعب حالها وهي تدري ان نفسيتها مسدوده فما بتفلح ولا بتجيب النسبه اللي تدخلها الطب ..
طبعا قاسم ما يحتاج له سؤال عن هالشي .. اول المؤيدين هو .. مستانس انها ما بتنشغل عنه سنه كامله .. وبنفس الوقت حالها مو عاجبنه ..
وتمر الأيام ببطء شديد..
ــ سجوي .. والله هالحل مو عاجبني لمتى انتي كذا مو كفايه انش اجلتي .. ها .. هذاني ابسبقش بسنه بعد ما كنا كله ويا بعض
ــ ااااه يافطوم والله مالي خلق .. من جد صادق ترك لي فراغ كبير ماني عارفه كيف امليه..
ــ لو ما اجلتي كان لهيتي بكتبش
ــ واللي يرحم والديش اقول لش مالي خلق
ــ ان زين خلاص .. ويش اخبار قاسم وياش اوكيه ماشي سيدا..
ــ الحمد لله تمام ..والله ما مصبرني وشاد حيلي الا وجوده جنبي
ــ ايه اشوى فكرت بعد لاهي والا شي .. كان اسويه شاورما
ــ ههههه.. الحين مين فيكم اللي يسوي الثاني شاورما
ــ هههههه لا عدمنا هالضحكه .. مممم ثنينا وراح نفتح مطعم
ــ الله اجل ماني متعلمه طباخ كل يوم من مطعمكم
ــ لا عيــــووووني .. اخوي ما تحشيه اكل مطاعم و مطاعم .. بالله ويش شغلتش .. بياخذش مزهريه ..
ــ بل بل اني سمعت العمه هي اللي تحط دوبها دوب مرت الولد مو الحماه
ــ لا اني غير اني حماة 2007 هاا اتقي شري
ــ هههههههه ههههههههه
ــ اه ياسجوي والله وحشتني ايامش .. ايام الحركتات والأكشنات في الفصل
ــ خخخ احسن لش الحين عشان تنتبهي للدروس وبلا قرقر
ــ هههههه أي بلا قرقر.. والله توها اليوم ابله حصه موقفتني ولاااااا.. حزري وين
ــ خخخ وين ياحظي
ــ احم احم .. وبكل فخر .. خلتني جاارة للزباله ..>>>حصل الشرف
ــ هههههه امحق فخر..مالت عليش ولويش يعني ؟؟ ويش مهببه
ــ ولا شي هي تشبر وتأشر بيدها وتشابق وهي تشرح .. قولي ايه
ــ ههههه ايه
ــ دارت واني حماس متفاعله وياها .. واشبر زي حالتها .. ما ادري ويش خلى كفوفي يتصافقوا..>>> الجاذبيه شديده
ــ هههههه مستانسه بعمرش شااطره
ــ طبعا الصفقه قويه .. دارت حصوه تصرخ:
انت ياابت انتي وياها.. مين العله اللي صفقت
ــ يمه يمه من قرقوشه هذي وتالي
ــ ابدا قامت تصرخ وتهدد وتطالع في السيد اللي اني فيه شاكه بالموضوع
وصرخت:
ــ يا فاطمه مين اللي صفقت
ــ ايه وانتي هزيت الكتوف ها مااا ادري معروفه حركتش
ــ لا راحت علي قامت تهدد بتنقص السيد كله علامات اربع بنات واني خامستهم مالي اني بهم احط بذمتي شي.. رفعت ايدي وبكل اماانه ــ ايه ياعيني عالأمانه ما احد يغلبش فيها
ــ خخخ يللا عاد زين مني طيبه اعترفت
ــ هههه طبعا الحلوه حصه وقفتش عند الزباله على هذا السبب
ــ خخخ ايه لأنه بعد اول الدرس قهرتها بشي
ــ ويشوووووووو بعــــــــــــــــد..؟؟
ــ عاد والله فتحت الشنطه الا دفتر الدين مو فيها .. ما ادري ذاب.. اكلته الشنطه.. هرب..ما ادري وين راح
ــ ايه يصير خير هذا هو فــ دبتي
ــ ههههه تدري بي نسايه واوقف لش ارز طولي وتجي وهي تفتش الواجب .وتطالع فوق .. خخخ محتره من طولي عقلة هالأصبع ..
ــ هههههههههه
ــ ها يافاطمه خير رازه طولك علينا
ــ نسيــــــــــــــــــــــــــــــت الدفترررررررر
وما شفتها ياسجيووه الا هي حامله دفتر اللي جنبي وتصرخ
ـــ نسيتيه .. وليش بالله
ــ نسيته لأني نسيته .. ما ادري
ــ وعلللله تهدك.. اكسر راسك بهالدفتر
ــ هههههه هذي لو يدروا عنها الإداره فصلوها
ــ وين يفصلوها خخخ تنحاش المدرسه كلها وهي قاعده محلها مع جبهتها اللي تقول كبوت سياره يا عرضها تلممممممع
ــ هههههههه.. ويلي فطوموه هذا وانتي ثالث اني قلت بتأدب اذا رحنا ثالث
ــ اهووو ..بس وين نتأدب اقول لش وقفتني عند الزباااله من حرتها اني ناسيه الدفتر ولا بعد مشاغبه..
ــ ههه ايه صحيح وتالي
ــ صرت اوخر الزباله برجولي شوي شوي عني وانتبهت لي شرشبيل زمانها
ــ هههههههههههه غرربل الله شرش صدق تشبهه واحنا السنافر ههههههه
ــ ههههههه المهم انتبهت لي وصرخت .. رجعيها مكانها
عاد اني بدل لا ادانيها بيدي .. ثقيله .. ويش الي.. اروح اني اليها واخاويها خخخ
ــ وييييييع ويييييع فطيمووه ام الزباايل
ــ يللا عااد بتمسكها علينا نسيتي يا ام شلاخ
ــ ههههه لالا بتنخل فضايحنا
ــ هاا نسيتي ابله نوره يوم تمصع اذونش
ــ هههههه لا ما نسيتها ظليت شهر امغط في الأذون الثانيه ابغى ارجع التوازن عفست علي الدنيا..
ــ هههههه استغفر الله عليش ياسجيوه هوايل
ــ ايه بس مو عند الزباله
ــ اوهوووووو.... بس ماني شلاخه اني اعترفت .. احسن من ما احل الواجب واسوي حركة هاليهال اكتب العنوان وطول ما الأبله تفتش اسمعها صوت الورقه وهي تنشق ويالله اكفسها تكفيس ولما تجيني اسوي حالي : ابللله حليته بس مو عدل الحين ارتب الخط .. يلعن يوم الشلخ ..
ــ يللا عاد صادتني هي وخلتني اطلع الواجب الجهنمي
ــ ههههه خووش مصعة اذون ها ..اي بالله شي
ــ فطوموه تتذكري ابله ساره يوم تنشدخ بسبة شبيصتش
ـ ههههه أي والله عضاضه صغيرونه تسوي الهوايل
ووالله ما احد قال ليها تلبس كعب عالي وتجي تدوس لينا عضاضات
ــ بس حححححح فحطت قبل لا تطيح هههه غبرت علينا
ــ هههه خوش بس خساره خسرتني العضاضه حليوه كرستال توها جديده نتفتها تنتيف
ــ هههههه زين ما نتفتش
ــ ههههههاااهههههههههااااهههههههههااااهههههههههاااااا يي
ــ يمه ويش فيش
ــ ذكرت ابله منيروه يوم نلعب عليها
ــ ههههههه اييييييييييه بصف اول ثانوي
ــ ايه والله ما دوروا يحطوها الا هي بحصة الفراغ .. امحق انتظار..
ــ هههه والله انلعب عليها عدل ها .. نبغى نطلع نشم هوا...تجي تغثنا هدي بعد..
ــ ابله لو سمحتي هذا مو فصلنا
ــ اجل وشو ,, وينه فصلكم
ــ ابله فصلنا في المبنى الثاني .. متغويين احنا
ـ طيب روحوا ..
ــ ههههههههه الله متغويين نص الحصه في فصل مو فصلنا والله انش يل سجيوه شلاخه و والله انها طيبه
ــ احمدي ربش اننا اول ثانوي والله لو غير كذا كان ما بتصدق
ــ يللا عاد من كبارة المدرسه قوطي صلصل مخفس وحالتها حاله وين تتغوي .. تعرفي كل رقعه بالتفصيل
ــ خخخخخ أي والله بس طيبة المخلوقه .. >>> ترقيعه بعد الغيبه ..
ــ هههههه وانتوا كله حش كله حش في خلق الله .. صدق حريم
ــ يمه اسم الله على عمرنا بللللللللل عليك من متى هنا يا نحيس ابد لا احم ولا دستور
ــ خخخخ من اول ما وقفتي عند الزباله طلعتي ام الزبايل اجل
ــ ههههههه لا رحتي فيها فطيموه
ــ اهي اهي أي والله خلاص لين اجيب اولاد وهو بيسميني ام الزبايل
ــ يللا باخذ سجى من عندش..
ــ لا ياعيوني وين وبتاخذها .. بالله الحين احنا نسولف ومستانسين صحيح انك عذوووول ×××××
ــ ههههه بل عذول والله اختي فصيحه تعرفي مصطلحات
ــ ايه.. و حكي العواذل فرق قلووبنااا ..ــ اص اصصصصصص اكرمينا بسكوتش يا الطقاقه اقصد الفنانه فطومه خخخخخ
ــ عمى مو اني هي لكن ما عليه
.........سجـــــــــــــــــــــــى شووووفي ريلش ادبيــــــــــــــــــــه ....
ــ اصلا سجى وياي عليش مووو سجويه
ــ ههههه اقول تراني ضايعه بينكم ماني داريه ادافع عن مين تنجازوا اثنيكم اخوان
ــ يللا بس سجوي خلي عنش الذنوب والقرقر الفاضي مع ام الزبايل ــ اوووهوووو
لكن ما عليه يالدفش الحين ها قلب علي صحيح الدنيا دواره <<<< خخخ صار ما يهمه شي نال مراده وخلاص
ــ خلاص قاسم ما ارضى على فطوم
ــ حره حره .. ويو ويو
ــ بل خخخ ما تسوى علينا والله عليكم يالبنات سواليف .. اقول يللا سجى اجهزي
ــ ان شالله..
وطلعوا ..
وتمر الأيام و قاسم يحاول قد ما يقدر يدخل السعاده لقلب سجى وينسيها المر والعذاب.. وفيوم بين ما كانوا بالسياره.. فتحت سجوي شنطتها وطلعت منها
صندوق صغير خشبي لونه بني محروق بداخله قرآن والحصن الحصين وتربه صغيره .. وكاتبه في ظهر غطا الصندوق.." الهي اسعد حبيبا ادخل السعاده الى قلبي واحفظه من كل مكروه بالصلاة على محمد وال محمد"
ــ يا عمري تسلمي لي على هالهديه الغاليه .. سعادتي وياش يالغلا الله يخليش لي ولا يحرمني منش
ــ الهي ياكريم
وبين ما هم بالسياره دق جوال قاسم
ندوووي
ندوووي
عضو جديد

انثى
عدد الرسائل : 49
تاريخ التسجيل : 27/08/2008

الرجوع الى أعلى الصفحة اذهب الى الأسفل

المنتدى الإسلامي رد: روايه اسف عليك ياقلبي.. مو عليك ياحبي

مُساهمة من طرف ملاك الصمت الإثنين فبراير 02, 2009 10:45 am

يعطيك العافية
ملاك الصمت
ملاك الصمت

انثى
عدد الرسائل : 20
المزاج : ماشي حاله هههههههههه
تاريخ التسجيل : 29/01/2009

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى